“TL Seidauk Tama ASEAN Iha 2013”

.

Jornal Nacional Diario - Segunda-feira, 14 Janeiru 2013 

Vice Ministru Negosiu Estranjeiru no Cooperasaun Constancio Pinto hateten, maske Timor-Leste (TL) seidauk ofisialmente tama ASEAN, iha tinan 2013, tanba presiza prepara an diak liu tan, maibe, dehan Constancio Pinto, jeografikamente nasaun TL parte iha ASEAN nian. 

Nia hatutan tan katak, atu tama ASEAN liu husi prosesu ida naruk tebes, tanba ne’e presiza prepara iha area hotu-hotu iha rai laran depois mak haree ba iha rai liur, liu-liu vontade husi nasaun iha ASEAN hotu, tanba ne’e iha tinan 2013 TL seidauk bele tama iha ASEAN. 

 “Hau hanoin prosesu ida naruk, ita sei prepara rai laran, iha tinan 2013 depois hotu mak iha raee rai liur, maibe depende ba diplomasia no Boa-Vontade husi nasaun membru ASEAn nian, purtantu 2013 ita seidauk bele tama iha ASEAN, maibe hakarak ka lakohi ita sei tama ASEAN tuir jeografiku,” hateten Constancio Pinto ba Jornalista sira foin lalais ne’e iha Palasio Prezidenti autarak-laran, Dili. 

Nia hatutan, iha vizita Sekretariu jeral (Sekjer) ASEAN mai TL hateten ona katak, TL seidauk tama ASEAN maibe jeralmente TL tama ona ASEAN. Entertantu, maske nune’e, antes ne’e Eis Prezidenti Republika Jose Ramos Horta fo sai iha media katak, iha tinan 2013 ne’e, TL ofisialmente sai ona membru ASEAN, tanba nasaun hotu-hotu iha membru ASEAN simu ona TL nia pedidu. 

.