“TL Lakon Rikusoin Miloens 12”

.

Jornal Timor Post - Segunda-feira, 14 Janeiru 2013 

Sekretariu Estadu Peskas (SEP), Rafael Pereira Goncalves hateten, tinan-tinan Timor-Leste sempre lakon ninia riku-soin iha tasi laran ho orsamentu ne’ebe boot kuaze dollars Amerikanu mileons 12 husi illegal fishing. 

“Ita koalia konaba illegal fhising ne’ebe akontese iha rai laran, tanba saida, tanba ita la halo investimentu ida ke diak iha area peskas ninian,”nia dehan ba Jornalista sira iha Sub-Distritu Pante Makasar, Distritu Oecusse, sesta (11/1). 

Nia hatutan, tuir informasaun ne’ebe ita hetan husi peritsu sira neebe halo nalaiza kona-ba illegal fishing ne’ebe akontese iha mundu tmak, liu-liu Timor Leste agora dadaun ne’e prurvolta duzentus ital miloens orsamentu ne’ebe boot tebes. 

Ida ne’e, ita lakon maka’as tebe-tebes tanba kobre orssmentu estadu, haree ba ida ne’e mak governu kria kondisaun diak ida atu halo prevensaun ba buat hirak ne’e atu labele akontese tan. 

Tanba ne’e, Rafael dehan, Sekretariu Estadu Peskas (SEP) sei servisu hamutuk ho SEPFOPE ho Ministeriu edukasaun iha ona planu atu harii akademi de peskas no ita espera katak, iha tinan 10 Timor-oan rasik mak sei involve iha dezenvolvimentu peskas, liu-liu iha peskas industria no semi industria. 

 Tuir Rafael, ida ne’e mak ita nia mehi no ita nia hakarak husi academia de peskas ne’e sei produs rekursu umanus ne’ebe iha kapasidade no bele kompete ho ema sira husi rai liur, kuandu ida ne’e mak ita la hahu, nia tenik, dala ruma tinan 10 ba oin ita sei infrenta problema barak. 

.