“Tempu Badak, PNTL Simu Kilat Foun”

.

Jornal Independente - Sesta-Feira, 11 Janeiru 2013 

Governu liu husi reuniaun Konsellu Ministru Kuarta foin lalais konsege aprova rezolusaun ida kona ba kilat tipu PM1-V2 ba instituisaun Polisia Nasional Timor-Leste (PNTL) tanba iha kualidade. 

Komandante Jeral PNTL, Komisariu Longuinhos Monteiro hatete, kilat hamutuk 75 ho tipu PM1-V2 tama ona iha Timor-Leste. Tuir planu, kilat foun hirak ne’e iha tempu badak sei fahe ba membru Polisia ne’ebe sira nia kilat ladun funsiona. 

Prosesi teste kilat mos hala’o tiha ona iha Kuarta (09/01/20130 iha kaitehu, Distritu Likisa, maske antes ne’e mosu problema kualidade kilat, maibe kompania PT Pindad rezolve ona kondisaun kilat tuir rekezitu governu Timo-Leste nian. 

 “Horsehik hau simu telefone husi Sekretariu Estadu seguransa katak, husi konsellu de Ministrus aprova ona kilata hitak ne’e, no ita hatene katak, kilat sira ne’e to’o ona iha Timor-Leste, teste kilat ne’ebe mak hala’o husi ekipa avaliasaun ba iha Indoensia hatudu la’o diak, laiha failansu ida mosu,” hateten Longuinhos ba Jornalista sira iha kuartel jeneral PNTL, Caicoli, Dili, kinta (09/1). 

 Iha parte seluk, Diretor Ezekutivu Fundasaun mahein, (FM), Nelson Belo kontinua hato’o kritika maka’as ba ekipa konjunta ne’ebe desloka ba Indoensia hodi halao teste kilat tanba ekipa ne’e maioria ema sivil ne’ebe laiha konesementu ba kilat nian. 

 “Ita duvida tebes ho prosesu ne’e, tanba ema sira ne’ebe ba hala’o teste kilat ne’e maioria sivil de’it, ita nia Polisia no F-FDTL balun ne’ebe hamutuk iha ekipa ne’e mos sira hatene tiru de’it, sira la hatene oinsa halo kilat, ida ne’e mak ami kestioan nia kualidade teste kilat ne’e,” hateten Nelson Belo. 

.