“PNTL Kaer Drogadu Nain 5”

.

Jornal Timor Post - Kinta-feira, 10 Janeiru 2013 

Polisia Nasional Timor-Leste (PNTL) liu husi servisu Investigasaun Kriminal (SIK) ho servisu informasaun Polisia, Tersa (08/1) ka’er tan drogadu nain 5, husi Timor-oan nain tolu no estranjeiru nain rua husi Singapura no Australia. 

Drogadu nain lima ne’ebe polisia kaer kompostu husi mane Timor-oan nain tolu, sidadaun Australia ida no Singapura ida. Diretor Nasional serviso Investigasaun Kriminal (SIK), Superintendente Calistro Gonzaga hateten, dorgadu nain lima ne’ebe detein hela prosesu nia laran no sei kontrinua prosesu ba Tribunal. 

“Horseik (08/1) ita detein ema na’in lima maka sidadaun Timor-Leste na’in tolu, Singapura ida no Australia ida, ne’ebe kaer iha sira nia hela fatin,”informa Calistro Gonzaga ba Jornalista sira iha Kuartel Jeral PNTL, Caicoli-Dili, Kuarta (09/1). 

 Nia dehan, sidadaun nain lima ne’ebe detein hamutuk ho aimoruk sabu-sabu ho grama 1 ne’ebe halo transaksaun iha sira nia uma rasik. 

Calistro hatutan tan katak, drogadu nain lima ne’ebe kaer ne’e tama iha sela detensaun no hein prosesu, maibe ho aimoruk ne’ebe iha maka bele sai hanesan evidensia hodi prosesu lao ba oin. 

Nia hatutan, transaksaun ne’ebe halo husi drogadu nain lima ne’ebe detein iha sira nia uma, maibe konsume iha Hotel, tanba livre atu bele konsume aimoruk ne’ebe iha.

.