“PN Duvida Kualidade Injineru ADN”

.

Jornal Independente - Segunda - Feira, 21 Janeiru 2013 

Deputadu husi Bancada FRETILIN iha Parlamentu Nasional duvida kualidade injineiru sira ne’ebe oras ne’e servisu iha Ajensia Dezenvolvimentu Nasional (ADN), tanba projeitu barak durante ne’e laiha kualidade. 

Tuir informasaun ne’ebe deputadu FRETILIN Inacio Moreira hetan katak, durante ne’e servisu injineiru iha ADN la kolabora diak hodi avalia Projeitu ne’ebe iha. 

“Injineru ida halo avaliasaun to’o fali iha ADN injineru iha ADN halo avaliasaun seluk fo sala injineru ida ne’ebe halo tiha ona avaliasaun,” dehan deputadu Inacio Moreira iha PN foin lalais ne’e. 

 “Se injeneru sira ne’e hotu-hotu attitude hanesan ne’e, teoria sira ne’ebe hetan la vale hotu,” dehan Inacio. Problema hirak ne’e mak impata implementasaun projeitu hirak lao tarde no barak laiha kualidade diak. Ba kestaun ne’e, Diretor ADN Samuel Marcal rezeita informasaun ne’e, tanba tuir nia, ADN iha asesor injineru sira husi Indonesia, Japaun no Timor-oan sira ne’ebe iha kualidade. 

Nia haktuir tan katak, Injineru husi Indonezia ne’ebe sai asesor iha ADN durante ne’e ema nain 6, Japaun nain 8 no Timor oan hamutuk kuaze 50 ne’ebe servisu iha area estrada, ponte, bee moos no seluk tan. Nia mos afirma, kontratu ba asesor Indoensia baratu liu kada fulan rihun U$4 maibe nasaun seluk to’o rihun U$7-8.

,