“OPMT Hakerek Istoria Feto Nia Luta”

.

Jornal Timor Post - Tersa-feira, 22 Janeiru 2013 

Organizasaun Popular Mulheres Timorense (OPMT), iha inisisativa atu hakerek livru konaba prosesu Luta Libertasaun Nasional Feto Timor-Leste nian, nune’e jerasaun foun bele hatene kona-ba istoria feto nian durante funu ba ukun rasik a’an. 

“Iha tinan rua nia laran ami hala’o tiha ona faze peskiza iha Distritu 13, no agora evaluasaun atu tama iha faze hakerek, ami sei presiza apoiu tan financeirus husi governu,” hateten Sekretariu Jeral OPMT, Lourdes M. Alves de Araujo hafoin sorumutu ho Primeiru Ministru Kay Rala xanana Gusmao iha Palasiu Governu, Segunda (21/01). 

Nia hateten, ho problema finanseirus, maka OPMT husu apoiu ba lideransa masimu nasaun nian hanesan Primeiru Ministru Kay Rala xanana Gusmao, eis Prezidenti Republika Jose Ramos Horta no lideransa partidu FRETILIN Francisco Guterres Lu-Olo hodi bele konkretiza atividade ne’e. 

Lourdis haktuir katak, Primeiru Ministru Xanana Gusmao hanesan autor kontinuador prosesu libertasaun nasional TL mos hateten katak, pronto atu fo kontribuisaun hanoin ba OPMT nune’e bele hakerek livru istoria luta feto rezistensia nian. 

“Resposta Primeiru Ministru iha sorumutu ne’e pozitivu tebes, kontinua fo nafatin nia apoiu, nu’udar Xefe Governu no mos hanesan eis-komandante FALINTIL luta Libertasaun Nasional,” nia esklarese. 

.