Misaun ONU Remata: “La Mangame Malu Ho Direitus Umanus”

.

Jornal Timor Post - Kinta-Feira, 03 Janeiru 2013 

Misaun Organizasaun Nasoens Unidas remata ona iha Timor Leste, tanba ne’e, joven sira tenki kuidadu, la bele halo problema, estadu sei la tolera kuandu kria instabilidade sei ba kadei iha Natarbora no Betano para halo Natar ho to’os. 

“Hau hanesan Major Jeneral konkorda katak, iha tinan 2013 lakohi tolera joven sira ne’ebe mak halo problema, ONU iha ne’e mak ita mangame malu direitus umanus, agora lae ona, hau dehan katak Timor oan ne’e ita so basa maka ran foin halai, tanba ne’e joven sira nakar ne’e kuidadu, tinan ida ne’e mak ita ukun rasik an los,” Lere informa ba jornalista sira iha Palasiu Prezidensial, Bairu-Pite, Kuarta (02/01). 

Afirmasaun ne’e fo sai depois Xefe do Estadu Maior Lere hasoru Prezidenti Republika Taur Matan Ruak atu sama atensaun nafatin ba joven sira para hadomi estabilidade no paz. 

Nia realsa, wainhira kaptura tiha joven sira ne’ebe mak hakarak kria problema sei hatam iha bee laran, baku tiha depois ba hatama iha komarka, ba komarka laos atu han deit, eziji paun no susubeen. 

Iha okaziaun ne’e, Xefe Estadu maior dehan situasaun estabilidade iha tinan 2012 lao diak tebes, ho susesu hirak ne’e, Lere hakarak repete tan iha tinan 2013. 

Lere hateten tan katak, koperasaun Timor oan tomak importante maibe, liu-liu ukun nain sira tenki servisu barak liu, labele koalia mak barak, tanba ita haree ita nia ema kiak sei barak. 

“Ita sira ne’ebe mak riku koalia barak ona, maibe kuitadu ita nia povu kiik sira, maioria sei kiak, oinsa atu halo uma ida, hetan eletrisidade bee mos,saude no edukasaun diak,” Lere dehan. 

Aliende ne’e, Major jeneral F-FDTL Lere Anan Timur halo inkontru ho komandante supremu Militar Taur Matan Ruak hodi koalia sobre nesesidade forsa no situasaun rai laran.

Nota do blogue:  O Sr. General Lere Anan Timur é quem devia de ser o primeiro-ministro de Timor-Leste, com ele, estas SANGUESSUGAS OPORTUNISTAS não brincavam,  os macaquinhos andavam todos na linha! VIVA O GENERAL LERE! VIVAAAAA!!!

.