Matak: “Ami iha Fatuberlihu hodi salva guarda aihan"

.

Radio Liberdade - Kinta, 10 Janeiru 2013 - Acasio Pinto 

 Radio, online  -  Koordenador Conselho Popular Defeza-Republika Demokratika Timor -Leste (CPD-RDTL), Antonio Aitahan Matak, responde ba PM Kay Rala Xanana dehan, iha tempu badak sei hurlele grupo CPD-RDTL iha Fatuberlihu. 

Maibe Aitahan Matak halo auto defeza hodi dehan, governu hurlele ga la hurlele ne’e problema ketak ida. “Ami nia prezensa iha Fatuberlihu halo tuir ukun fuan produsaun nia no la halo violensia".

Aitahan Matak hato'o asuntu ne'e ba radioliberdadedili.com iha Tribunal Distrital Dili, Kuarta, (9/1) hafoin sai sasin ba kazu Ministru Justisa, Dionsio Babo ho nia ferik oan, Luisa Morais.

“Hau hanoin hurlele malu ne’e sei la to’o, tamba F-FDTL sira iha neba ne’e mesak ema Veteranus mak hanesan Sr.Akito Sr. Nikson no sira lubuk ida. Seguransa lorlorn lao amizade ne’ebe hau hanoin la iha probelama ba ida ne’e nian,”Matak komenta.

Tuir Matak, produsaun aiha ne’e uniku salva guarda tamba TL dependeit ba nasaun seluk nia aihan. Tamba povu husi ponta Leste to’o mai ne’e, ema barak la hetan hahan ne’ebe diak. 

“Ami nia preokupasaun mak ne’e osan ita uza ema nian, minarai sei maran, foos mai husi rai liur, nusa mak fos ne’e ita la halo iha rai laran, atu nune’e osan sirkula iha rai laran. Ami halo toos komunial ne’e hodi fanun ema atu la bandidu, joga karta, joga biliar, maibe ema hothotu sei servisu hanesan agora ami konsentra iha Fatuberlihu ne’e,”Mata esplkka. 

“Hau hanoin Maun Xanana rasik mos nia sei estuda katak sei la sobu nasaun maibe oisa mak foti nasaun, oinsa mak ema foti nasaun i oinsa mak ema bele halo tuir ne’ebe hau hanoin, banati diak para ema tomak moris iha rai ne’e halo tuir para ita bele responde nesesidade uma laran,”dehan Matak.  

.