Jornal Timor Post - Sesta-Feira, 11 Janeiru 2013
Eis Vice Primeiru Ministru Mario Carrascalao hateten, Orsamentu Jeral
Estadu (OJE) kada tinan aumenta beibeik, maibe, kapasidade
fiskalizasaun husi Parlamentu Nasional ba ezekusaun orsamentu maka la
dun efektivu, nia dehan fiskalizasaun ba ezekusaun orsamentu labele
husi membrus Parlamentu Nasional ka komisaun, maibe, presiza harii
komisaun fiskalizasaun ba orsamentu Jeral Estadu.
“Hau hanoin implementa buat sira ne’e difisil oituan no opozisaun mos
agora la forte, FRETILIN oinsa atu bele defende diak orsamentu iha
PN,” nia dehan ba Timor Post, Tersa foin lalais iha Hotel Timor, Dili.
Carrascalao preokupa tambasa tama ona fulan janeiru OJE 2013 seidauk
deskute iha Parlamentu Nasional, tuir nia katak, ida ne’e bele fo
impaktu maka’as ba prosesu ezekusaun tanba kuandu tama diskusaun tenki
halo lalais deit atu bele hetan aprovasaun.
Tuir informasaun ne’ebe nia hetan katak, OJE 2013 seidauk deskuti iha
Parlamentu Nasional, tuir nia katak ida ne’e bele fo impaktu maka’as
ba prosesu ezekusaun tanba kuandu tama diskusaun tenki halo lalais
deit atu bele hetan aprovasaun.
Tuir informasaun ne’ebe nia hetan katak, OJE sei halao diskusaun iha
fulan Fevereiru, entaun liu ona fulan rua oinsa ho prosesu
fiskalizasaun ne’ebe PN sei halo iha baze.
Carrascalao mos esklarese, tinan 2013 numeru orsamentu jeral estadu
kontinua boot nafatin, tan ne’e husi orsamentu ho montante U$1 bilaun,
800 miloens resin ne’e hatudu projeitu barak seidauk lao, mezmu balun
lao maibe la tuir prosesu legal.
“Osan husi fundu mina rai ne’e hasai ona maibe haloot iha ne’ebe no
nia funan hira mos ita la hatene, agora hasai tan hau rona dehan, U$
1,9 billoens, ne’e osan barak,” nia informa.
.
Sem comentários:
Enviar um comentário
Nota: só um membro deste blogue pode publicar um comentário.