Maijen Lere: “2013 Natar Welaluhu Hein Joven Nakar Ten Sira”

.

Jornal Nacional Diario - Tersa-feira, 08 Janeiru 2013 

Xefi Estadu Maior FALINTIL-Forsa Defesa Timor Leste (F-FDTL), Maijor Jeneral Lere Anan Timor hateten, iha tinan foun 2013 joven nakar kuidadu tamba to’os no natar iha Welaluhu hein hela joven nakar ten sira. 

Lere Anan Timor inform alia hirak ne’e ba Jornalista sira hafoin hasoru malu ho Prezidenti da Republika Taur Matan Ruak, iha Palacio Prezidensial Aitarak Laran, Dili, Kuarta (02/01) foin lalais ne’e. 

Lere Anan Timur hatutan katak, Joven sira ne’ebe nakar halo problema hela deit sei kaer hotu ba haris tiha tasi depois mak lori ba kadeia. 

Nia hatutan, ba kadeia la’os iha kadeia deit para han toba, maibe agora ne’e mak joven sira nakar ten tama kadeia sei lori ba tiha natar Welaluhu, betanu, Distritu Same, para halo to’os no natar iha ne’eba. “2013 ne’e oin seluk ona, ne’e lahanesan 2012 ba kotuk, 2013 oin saluk ne’e mak joven sira ne’ebe mak nakar-nakar ne’e kuidadu, kaer sira hotu ba haris tiha tasi depois ba hatama iha kadeia, malirin mak nia ba kadeia, ne’e diak liu i depois kadeia ne’e la’os Becora be loron kalan halo manifesta ka protesta kona ba susu ben, konaba paun, kona ba manu tolun, sira tenki ba halo to’os, halo natar iha Natarbora neeba, natar welaluhu para bele han ga,” dehan Lere Anan Timur. 

Lere fundamenta tan katak, iha tinan 2013 ne’e la hanesan ho 2012, iha 2012 ba kotuk ne’e iha ONU, iha ne’e mak joven sira mangame ho direitus humanus, maibe misaun ONU nia remata ona joven sira ran halai, la basa ran mate hela. 

Lere Anan afirma mos katak, iha 2013 Tl ukun rasik an lolos ona, tanba ne’e nia dehan, se joven sira hadomi nasaun Timor Leste, hadomi futuru, ba oin joven sira tenki hatudu komportamentu diak ba rai ida ne’e, se la’e ba halo to’os no halo natar iha Betanu.

.