“Lere La Konkorda Eis Milisia Fila Mai Timor”

.

Jornal Timor Post - Tersa-feira, 08 Janeiru 2013 

Major Jeneral FALINTIL-Forsa Defeza Timor-Leste (F-FDTL), Lere Anan Timor la konkorda eis-autonomista sira fila mai Timor-Leste. 

“Hau rona ita nia maluk sira Timor-oan sira iha Atambua hakarak fila mai Timor, ne’e hau la konkorda, maske ita nia politika nain sira balun hakarak kria unidade nasional,” deklara major jeneral Lere iha nia diskursu wainhira intrega sertifikadu ba membru organizasaun Sagrada familia iha Suku Bidau Santa-Ana, Dili sabadu 906/01). 

Eis- komandante gerileiru ne’e hateten razaun nia la konkorda ne’e tamba, tauk kria fali konflitu kona-ba problema rai ho seluk tan entre povu iha rai laran ho Timor oan sira ne’ebe fila mai Timor. 

Lere hateten tan katak, Timor-oan sira ne’ebe iha Atambua fila mai Timor-Leste la iha ona diretu ba riku soin ne’ebe uluk husik hela iha rai Timor ka nia moris fatin. 

Major jeneral fitun rua ne’e mos lamenta tebes tanba foin lalais Timor-oan ida ho naran Herkules tun iha Aeroportu Comoro, Polisia sira simu nia hanesan Prezidenti. “Ba hau, nia (Herkules) nunka bo’ot, bele riku oinsa mos kuandu uluk la defende ukun an, ne’e Timor nia restu nafatin, ba Polisia sita mak simu nia hanesan Prezidenti ne’e demais liu no hatuun liu Timor nia dignidade,” lamenta Lere. 

Depois liu tiha rona dehan eis-otonomista ne’e tama mai iha Timor lori fali Pistola no Polisia sira husik liu deit. Major jeneral fitun rua ne’e promete wainhira nia (Herkules) mai tan dala ida, nia sei haruka kaer, depois maka nia (Lere) responsabliza. 

Tanba ne’e, ema se de’it labele mai halimar ho vida estadu Timor-Leste, agora hanesan nasaun ona, laos provinsia. 

Nota do blogue: BRAVO SR. GENERAL, BRAVO!

.