Lere Anan Timur: “CPD-RDTL Nia Rai La’os Iha Fatuberliu”

.

Jornal Timor Post - Sabadu, 12 Janeiru 2013 

Major Jeneral FALINTIL-Forsa Defeza Timor-Leste (F-FDTL), Lere Anan Timur husu ba grupu CPD-RDTL atu retira husi populasaun sira nia rai iha Fatuberliu tanba, ne’e la’os rai grupu nian. 

Major Jeneral F-FDTL ne’e hateten, sidadaun no organizasaun iha direitu atu halo atividade iha nasaun Demokratiku ne’e maibe, tenki hakruk ba lei no konstituisaun, atu ne’e labele provoka kria fali instabilidade ne’ebe metin ona. 

Lere mos gava inisiativa ne’ebe di’ak husi grupu CPD-RDTL no hateten, karik Timor-oan hotu hanoin hanesan grupu ne’ebe mak lidera husi Antonio Ai-tahan Matak, nasaun nia ekonomia forte tebes maibe wainhira okupa fali rai komunidade nia e komunidade moris la hakmatek no animal ne’ebe komunidade sira hakiak halai fuik hotu, ne’e la diak. 

“Hau rona informasaun situasaun diak maibe ema rain ain sira la aseita no la simu tanba sira (CPD-RDTL) okupa ilegalmente ema nia rain, CPD-RDTL kuaze ema Timor-oan mas ema Timor ida-idak iha nia rain rasik, CPD-RDTL la’os Fatuberliu, Same nian tanba ema barak husi Lospalos, Viqueque, Covalima, Bobonaro, Baucau no Distritu seluk tan,” dehan Lere.

,