“Konsidera ADN Sai Broker Ba Kompania ENSUL”

.

Jornal Timor Post - Kinta-feira, 10 Janeiru 2013 

Reprezetante setor privadu husi Distritu Baucau konsidera Ajensia Dezenvolvimentu Nasional (ADN) sei broker ba kompania internasional ENSUL hodi retender nafatin orsamnetu, maske kompania refere abandona projetu Hospital referral Baucau ne’ebe antes ne’e Governu fo fiar. 

“Hau nia hanoin atetude no komportamentu husi diretor ADN husi foti desizaun retender orsamentu ba kompania ENSUL ne’e sala bot, ami setor privadu husi distritu Baucau konsidera, ne’e hanesan korupsaun, no broker, tamba wainhira kompania ida kaer projeitu depois ikus mai abandona loloos nunka mais estadu fo fila fali atu kaer projeitu ne’e,” informa Alex da Silva reprejetante setor privadu Distritu iha PN (08/1). 

Alex hateten, tuir lei, kompania ne’ebe abandona serviso no la iha responsablidade ba projeitu ida ne’ebe governu fo fiar, maibe to’o fin abandona, tenki hetan black list ka lista metan, no governu loloos loke fali konkursu foun para kompania internasional no nasional bele kompete, karik tender ne’e konsidera internasional. Hatan ba problema refere, Diretor Ajensia Dezenvolvimentu Nasional (ADN), Samuel Marcal rekonese katak, kompania ENSUL abandona duni projetu hadia Hosital referral Baucau tanba kompania presiza hadia prosesu administrative balun ho Ministeriu Financas.

.