“Konselhu Onorariu TL Ba Libanon Hasoru Taur”

.
                        

Jornal Timor Post - Sesta-Feira, 04 Janeiru 2013

Embaxador Konselhu Onorariu Timor Leste iha Libanon, Jose Isac hasoru Prezidenti Republika, Taur Matan Ruak hodi rona vizaun no politika nasaun rua iha futuru.

“Ida ne’e hanesan vizita kortejia mai Timor Leste hanesan konsellhu onorariu Timor Leste nian ba Libanon atu mai rona Prezidenti Republika nia hanoin no hato’o mos Bosas Festas natal no tinan foun 2013 ba prezidenti, aliende ne’e rona mos hanoin no vizaun husi Prezidenti kona ba politika koperasaun nian,” Hateten Jose Isac, ba Jornalista sira iha palasiu Prezidensial Bairo-Pite, Dili (03/1).

Maibe kestaun importante mak oinsa dezenvolvimentu nasaun rua bele lao ho susesu, nune’e bele fo moris diak ba povu no nasaun rua.

“Hau prontu servisu ba nasaun rua nia diak atu nune’e mantein koperasaun hanesan nasaun demokrasia,’ Josef informa.

Hafoin remata enkontru ho xefe estadu, Taur matan Ruak intrega Tais ba onorariu Konselhu Timor Leste ba Libanon Jose Isac hanesan prezente natal no tinan foun.

Sobre misaun forsa militar ne’ebe mak foin lalais halao serviso koperasaun entre Portugal ho Timor Leste iha Libanon lao susesu tebes tanba prezensa forsa husi unidade enjinheiru bele ajuda liu tan povu Timor Leste.

.