Notisia Husi TVTL - Segunda-kalan, 28 Janeiru 2013
Eskola Ensino Baziku Sentral Zumalai Distritu Covalima seidauk hetan
atensaun husi ministeriu Edukasaun, kondisoens Eskola la premiti atu
labaraik sira tuir aula iha tempu udan.
Eskola ne’e iha alunus hamutuk 396, kondisaun eskola ne’ebe laiha moru
fasik atu bee tama ba sala sira iha eskola ne’e.
“Mota tama iha eskola ne’e tamba laiha moru, no bee tama nakonu
wainhira tempu udan,” dehan professor iha eskola refere.
Eskola ne’e iha sala hamutuk 11 maibe alunus sira uza deit sala 8 no
sala 3 abandonadu tamba laiha odamatan no janela.
Aliende problema salas eskola ne’e mos sei falta meza no kadeira tamba
ne’e alunus besik 60 mak okupa sala ida hodi tuir prosesu
aprendizazen.
Problema seluk ne’ebe mak estudante sira infrenta iha eskola ne’e mak
falta saniamentu tamba laiha hariis fatin no fornesementu bee moos ba
eskola refere.
Eskola ne’e mos iha profesores hamutuk 12 no volontariu nain 3.
.
Sem comentários:
Enviar um comentário
Nota: só um membro deste blogue pode publicar um comentário.