“Kazu Lucia Prejudika PSD”

.

Jornal Timor Post - Kuarta-feira, 09 Janeiru 2013 

Fundador Partidu Sosial Demokrata (PSD) Mario Viegas Carrascalao konsidera kazu eis Ministra justica Lucia Lobato tenki husu demisaun ba pozisaun Prezidenti Konsellu Nasional PSD ne’ebe nia assume. 

Maibe, iha parte seluk, nia triste amba kazu korupsaun boot barak akontese iha IV Governu Konstitusional nia laran maibe Ministeriu Publiku fo perioridade maka prosesu sosa fardamentu ne’ebe komete husi Lucia Lobato. 

Nia fo ezemplu, nia kazu Eis Primeiru Ministru Mari Alkatiri hadau ninia propriedade (uma), iha tinan 2003 to’o agora seidauk julga, maibe, Lucia Lobato Tribunal Julga lalais loos, presiza fo ezemplu ba publiku katak prosesu hirak ne’e lao duni. 

 “Partidu sai prejudikadu duni, Lucia mos tuir loloos husu nia demisaun sai husi kargu partidu nian mais nia dehan kuandu hetan demisaun mak sei foti desizaun sai kedas husi partidu nuudar lideransa, buat mais nunka halo ida ne’e,” dehan nia ba Timor Post, Tersa (08/1) iha Hotel Timor. 

Carrascalao konsidera kazu Lucia bele iha konspirasaun politika, tanba realidade hatudu katak, nia kazu ne’e lalais liu kompara ho Ministru balun ne’e halo korupsaun no sai riku matak de’it. Nia dehan, mezmu kazu Lucia prejudika PSD mais la signifika katak, partidu la la’o tanba partidu oras ne’e dadaun lao diak hela. 

Nia rasik la kumpriende kazu Lucia ne’e akontese tanba nia mak lalais sai husi kargu nuudar Prezidenti PSD ou joven sira ne’ebe ka’er fali partidu ne’e sala. 

 “To’o ohin loron hau husu nafatin ba estrutura PSD nian atu halo reuniaun, hodi halo evaluasaun oinsa mak PSD bele lakon maka’as iha eleisaun,” nia dehan.

.