Primeiru Ministru Kay Rala Xanana Gusmao hato’o ona despaisu ba
Komisaun Funsaun Publika (KFP) ho membru governu sira atu hapara
kontratu ba funsionariu publiku ne’ebe husu cuti tinan rua hodi simu
kargu nomeiasaun politiku ba assessor.
“Funsionariu publiku ne’ebe husu cuti sem vensimentu no la kumpri
despaisu primeiru Ministru nian, ne’e tenki hakotu de’it nia
kontratu,” deklara Prezidenti Komisaun Funsaun Publiku (KFP), Liborio
Pereira ba Jornalista sira iha INAP, segunda (07/01), relasiona ho
sirkular Primeiru Ministru nian ne’ebe hatun iha fulan ida liu ba.
Liborio haktuir katak, Primeiru Ministru Xanana rasik fo hanoin katak,
ba oin la autoriza tan funsionariu publiku ne’ebe husu lisensa sem
vensimentu depois sai fali asesor kuandu aban bainrua fila mai labele
simu, tenki sai.
Ho nune’e, Liborio dehan, despaiso ne’e agora iha ona ajenda diskusaun
Konselu Ministru nian atu deskute lolos atu bele aprova lai ida para
atu rekruta fali asesor juridiku ba Administrasaun Publiku.
“Ne’e lalozika, funsionariu ida ne’ebe husu lisensa sem vensimentu
maibe ba tama nafatin iha administrasaun publiku husi odamatan seluk
manan nafatin osan estadu nian ne’e labele,” tenki Liborio.
Tuir Liborio, funsionariu publiku ne’ebe halimar ho cuti ba manan osan
boot hanesan dezmina fali funsionariu sira seluk ne’ebe matenek
badaen, hakarak servis ho dedikasaun maibe manan nafatin ho osan
hanesan funsionariu babain.
.
Sem comentários:
Enviar um comentário
Nota: só um membro deste blogue pode publicar um comentário.