“FRETILIN Preokupa Radiu-TV Edukasaun”

.

Jornal Timor Post - Sabadu, 19 Janeiru 2013 

Reprejetante povu iha uma fukun Parlamentu Nasional kontinua hakilar iha plenaria kona-ba prosesu estabelesementu Radiu no Televizaun (TV) edukasaun, ne’ebe Eis Ministru Edukasaun, Joao Cancio maka responsabliza ezekusaun orsamentu. 

Deputadu Inacio Moreira husi bancada Opozisaun afirma, governu tenki seriu responsabliza problema ne’e, tanba uza osan povu nian ho montante milaun U$2.1. 

 “Aloka osan ne’e atu harii radiu no Televizaun ba Edukasaun ninian, maibe realidade to’o agora orsamentu gasta hotu ona, ita nunka rona lian radiu no televizaun ne’e,” Lamenta Inacio iha uma fukun wainhira partisipa audensia publika ho Ministeriu Edukasaun kona-ba proposta orsamentu Jeral Estadu 2013 nian. iha okajiaun ne’e, Inacio husu atu Ministeriu Edukasaun foun, Bendito Freitas tenki esplika, liuliu kona ba prosesu kontinuasaun harii Radiu Televizaun ba Edukasaun. 

Nia hateten, Ministru foun ho nia visi na’in hira konserteza la hatene diak kona-ba prosesu ne’e, maibe nia fiar Diretur sir abele eslika hodi esplika ba publiku liuliu ba reprezetante povu iha uma fukun PN. 

 “Ministeriu Edukasaun tenki esplika klaru, tanba tuir informasaun ami simu, to’o agora Radiu no Televizaun ba edukasaun seidauk harii tanba ekipamentu ne’ebe sosa laiha kualidade,” hateten Inacio. Iha audensia ne’e mos Inacio kestiaona kareta segundu mao ne’ebe sosa ba UNTL, oras ne’e ninia prosesu lao oinsa, tanba orsamentu ne’ebe preve laos atu sosa kareta segundu maun,” Ida ne’e hahalok la diak, tanba ne’e ita boot sira tenki justifika,” afirma Inacio. 

Entertantu, hata’an ba preokupasuan hirak ne’e, Ministru Edukasaun, Bendito Freitas hateten, sobre problema instalasaun ba Radiu no televizaun Edukasaun katak, iha ona investimentu maibe to’o agora ita la haree, maibe tuir nia problema ne’e espesifiku, sei iha prosesu nia laran. 

Nune’e mos nia dehan tan, kona ba problema Radio no Televizaun Edukasaun, oras ne’e dadaun prosesu invetigasaun to’o ona iha Komisaun Anti Korupsaun (KAK). Joao Cancio, dala hira ona ba presta deklarasaun iha KAK, no tuir informasaun KAK fo ona xamada atu Joao Cancio labele sai ba rai liur kontinua submete ba investigasaun.

,