Jornal Independente - Segunda - Feira, 21 Janeiru
Ministru Edukasaun Bendito Freitas deklara eskola publiku ne’ebe
gratuitu maibe seidauk iha kualidade tanba iha realidade eskola
privadu sira mak sempre hetan rejultadu diak iha tempu izame nasional.
“Rejultadu ezame finais tinan 212 hatudu klaru tebetebes katak eskola
provadas katolika maka iha numeru a’as tebetebs, intermus de valores,”
dehan Bendito Freitas foin lalais.
Iha Ensino Sekundaria, Bendito dehan, eskola privadu katolika mak
valor diak liu.
“Estudante ida husi Fatumaka (Baukau) tuir ezame iha eskola provada
Katolika Baucau hetan valor 58 nivel nasional, terseiru siklu tinan
ida ne’e, Eskola Privadu katolika mak valor boot liu, husi eskola
Venilale ne’ebe ho valor 47,” dehan Bendito.
Nune’e tuir nia, maske eskola publiku gratuita maibe kualidade la
diak, Bendito dehan, tanba metidu hanorin iha eskola tenki hadia,
tanba metodu agora uza ne’e tradisional tebes.
Ezemplu, Bendito dehan, Profesor hakerek iha kuadru depois alunus
hakerek tuir mak ne’e ona.
“Profesor ida la tama alunus ida ba hakerek iha kuadru depois nia
maluk sira kopia to’o oras fila ona, hau hanoin ida ne’e falta
atensaun I presiza apoia tebtebes tanba ita tama iha mundu ida
globalizasaun no buat hotu ho teknolojia,” dehan Bendito.
Bendito dehan, oras ne’e dadaun labarik barak mak klase hat tiha ona
iha eskola primaria maibe seidauk hatene lee.
“Balun to’o sestu ano (klase neen) labele lee, hau hanoin dezafiu boot
atu hanoin konaba ida ne’e,” dehan Bendito.
,
Sem comentários:
Enviar um comentário
Nota: só um membro deste blogue pode publicar um comentário.