Jornal Independente- Tersa-Feira, 22 Janeiru 2013
Governu Presiza define folin nesesidade baziku iha merkadu, atu nune’e
komunidade sira bele iha kbi’it hodi sosa.
Bispu Dioseze Baucau, Don Basilio do Nascimento hateten, governu tenki
defini presu ba nesesidade baziku balun hanesan paun, ai-han ne’ebe
mak bele fo biban ba ema atu moris.
“Hau hanoin tenki defini buat balun hanesan produtu lokal ne’ebe sai
hanesan produtu baziku ba ema nia nesesidade,” dehan nia, iha Soibada,
Domingu (20/01).
Bispu hatutan, ba sasan luxu ne’e konforme ema ida-idak nia kbiit atu
sosa, tanba ne’e laos nesesidade baziku ba ema nia moris loro-loron.
Bispu Basilio hatutan, sasan sira ne’ebe mak sidadaun sira presiza
hatun nia folin, tanba dalan ne’e nuudar kontribuisaun ida husi
governu ba povu nia moris.
Bispu hateten, buat ne’e relasiona ho folin nesesidade baziku hanesan
foos no buat seluk tan ne’ebe make ma uza ba moris loro-loron nian,
ne’ebe sa’e maka’as iha merkaduria.
Nia hatutan, oras ne’e komunidade sira komesa husik ona nia toos ho
natar no tane liman de’it ba governu.
,
Sem comentários:
Enviar um comentário
Nota: só um membro deste blogue pode publicar um comentário.