Deputadus 65 Simu Kareta Foun Prado “Kada Kareta Ida U$63.000”

.

Jornal Nacional Diario - Tersa - Feira, 15 Janeiru 2013 

Deputadus Parlamentu Nasional III Lejislatura hamutuk 65, segunda (14/01), simu ona kareta foun ho marka Toyota Prado, atu nune’e bele servi diak liu tan povu iha Timor-Leste. 

 Kada kareta Prado ida ho folin U$63.000 portantu kareta 65 ne’e gasta osan Estadu nian hamutuk U$409.500. 

Objetivu sosa kareta 65 ba kada deputadu ne’e, atu bele fo kondisoens diak ba deputadu sira atu bele hala’o knaar diak liu tan iha fiskalizasaun ba programa Governu nian iha terenu nomos kontaktu eleitoral. 

Prezidenti Parlamentu nasional, Vicente Guterres hateten, kareta 65 ne’e husi bancada opozisaun FRETILIN no Bloku koligasaun hanesan CNRT, PD no FRENTI-Mudanca mak simu hotu no hodi osan povu nia mka sosa, tanba ne’e kada deputadu sira tenki kuidadu didiak kareta ne’e, nune’e bele dura to’o tinan lima (5) nia laran. 

“Hau husu para kuidadu didiak kareta sira ne’e, par abele dura to’o tinan lima, felizmente deputadu husi bancada hotu-hotu simu kareta ida ne’e,” dehan Prezidenti PN Vicente Guterres iha serimonia entrega kareta foun ba deputadu sira iha PN. 

Nia realsa tan, problema deputadu sira nia rejolve tiha ona, agora dadaun ne’e hanoin ba oin atu rezolve fali problema nasaun nian. 

Prezidenti PN ne’e mos hatutan katak, kareta tuan sira ho pajero ba deputadu II lejislatura la inklui FRETILIN, sei tama ba lelaun. Kartea sira ne;e tuan ona, sira deputadu tuan sira ne’e harkarak kareta tuan ne’e hela ba sira, sira tenki sosa, sira lakohi sei lelaun ba publiku,” dehan nia.

.