Deputadu CNRT Rekonese: “Governu Falla Kontrola Folin Sasan”

.

Jornal Independente - Tersa-Feira, 22 Janeiru 2013 

Vise Prezidenti Parlamentu Nasional (PN), Aderito Hugo da Costa hateten, to’o agora folin sasan no konbustivel iha merkadu kontinua aumenta makaas, tanba dezkontrolu husi governu, liuliu Ministeriu Komersiu Industria no Ambiente (MKIA). 

“Presu mina sa’e ne’e dezkontrolu aat liu tan ona,” dehan nia iha uma fukun PN (21/01). Tanba ne’e, Hugo husu MKIA atu esplika mekanizmu kontrolu ba folin sasan inklui presu konbustivel iha merkadu oras ne’e. 

Nune’e, deputadu husi bancada FRETILIN, Aurelio Freitas, ezizi governu atu normaliza folin sasan iha merkadu ne’ebe aas husi tempu ba tempu, hodi fo impaktu ba povu kiik sira ne’ebe laiha kbiit hodi hetan asesu. 

Entertantu, Deputadu Francisco Branco husu governu atu halo intervensaun hodi normaliza folin sasan iha merkadu ne’ebe aas husi tempu ba tempu, hodi fo impaktu ba povu kiik sira ne’ebe laiha kbiit hodi hetan asesu. 

Nune’e, Branco mos husu ba governu kontrola kualidade konbustivel iha merkaud, tanba barak mak laiha kualidade tuir estudu balun ne’ebe nia parte hala’o. 

Ba kestaun ne’e, tuir Ministru Komersia Industria, Antonio da Conceicao dehan, kontrola ba folin konbustivel iha ona ekipamentu atu kontrolu kuantidade konbustivel, maibe atu kontrola kualidade defisil, tanba presiza ema ne’ebe iha kapasidade ba area ne’e. 

Problema ne’e, kombustivel sa’e, tanba TL adopta politika merkadu livre no sei dependensia makaas ba sasan importasaun husi rai liur.

,