“Bolseiru Hafo’er TL Nia Naran”

,

Jornal Timor Post - Sesta-feira, 25 Janeiru 2013 

Timor-oan ida hetan bolseiru husi governu TL hodi ba estudu iha Filipina kona ba Turizmu, halo moes nasaun Timor Leste nia oin, tanba halo violeasaun sexual hasoru feto Filipina nain rua. 

“Ne’e kontra ema nia lei, ema nia lei iha ne’eba aplika se buat ne’e akontese los, ne’e halo moe bot ida ba ita nia nasaun,” dehan Adriano do Nascimento ba Jornalista sira, Kinta (24/1) iha Parlamentu Nasional. 

“Maske buat ne’e normal, maibe kazu krime kontra ema nia lei klaru, ema lori ona ba prosesu legal nian, ita hein deit prosesu ne’e lao halo nusa, iha nasaun ne’ebe deit kuandu halo krime, ne’e ema nia lei mak aplika,” nia hatutan. 

Adriano haktuir tan katak, atu prosesa tuir prosesu justica ba lei Filipina nian, haree ba krime nee grave entaun bele tesi kakorok, nia fo ezemplu iha ne’eba, bainhira ema husi nasaun seluk maka tama iha ne’eba uza droga sira tesi kakorok barak ona. 

 Filipina, Bolseiru Timor oan ho naran Marcelinho Azino da Cruz, tinan 26, ne’ebe mak dadaun ne’e hala’o nia estudu iha Filipina halao violasaun sexual ba feto Filipina nain 2. 

Enkuantu, tuir kronolojia haktuir, Marcelino Azinho da Cruz, ne’ebe iha momentu ne’e Menyamar hanesan Benito santos, Funsionariu rekursu Humanus iha kompanha Tiger Airways, konsege haruka Nida hodi hasai hotu nia roupa, nune’e Marcelino halo teste ba nia (Nida-red) iha Hotel Inperial. 

“Marcelino menyamar hanesan Benito santos, funsionariu rekursu humanus iha kompania Tiger Airways,” Supt, Fernando Peres haktuir. Tuir sasin Polisia Filipina nian perez, haktuir katak hafoin to’o iha Hotel ho nonok Nida kolu nia ropua husi ida ba ida, Marcelina hasai Nida nia foto ho kondisaun sein roupa hafoin ne’e halo violasaun sexsual ba Nida. 

Perez konta katak, momentu halo violasaun seksual Nida koko atu hakilar maibe Marcelinho ho ameasa hodi dehan ba Nida, diak liu nonok se lae foto tomak ne’ebe mak nia hasai bele tau hotu iha Facebook. 

Perez haktuir liu tan katak, hafoin loron segundu Marcelino kontinua lori tan feto ida seluk ho naran ‘cantik’ tinan 21 (laos naran loloos), ba malabanias, Angeles City ho pozisaun nafatin funsionariu iha kompania Tiger Airways. 

To’o iha fatin Marcelino lori cantik ba kuartu Hotel nian hodi haruka kolu nia roupa, cantik la kohi, e halai hodi hakilar husu ajuda, nune’e to’o ikus mai funsionariu Hotel nia konsege ajuda duni cantik. 

Akontesementu ne’e akontese hahu loron (13/1), oras ne’e dadaun Marcelino detein hela iha Polisia Angeles City, Filipina. 

.