“Traballadores Hetan Mate Ruin Iha Prezidenti PN Nia Uma”

.

Jornal Timor Post - Segunda, 03 Dezembru 2012 

Traballadores ne’ebe halo konstrusaun moru iha farol, rezidensia Prezidenti Parlamentu Nasional kehe hetan mate ruin. 

Bainhira povu Timor Leste komemora sentenariu Dom Boaventura no rezesimu setimu aniversariu Proklamasaun Independensia iha 28 de Novembru semana kotuk, trabalador Timor oan sira ne’ebe mak halo hela moru ba rezidensia atual Prezidenti Parlamentu Nasional, Vicente Guterres nia uma, hetan mate ruin liu rua. 

“Ami hetan mate ruin ne’e iha loron 28 Novembru, wainhira ami ke’e kuak atu hari moru nia rin mak hetan ema nia ruin,” informa trabalador Timor oan ida ba Timor post, sabadu (01/12), iha rezidensia Prezidenti PN, farol. 

 Iha momentu ne’eba, wainhira trabalador sira hetan mate ruin, fo konehesementu kedas ba Prezidenti parlamentu nasional no aviza kedas ba Polisia Nasional Timor leste, nune’e bele kehe hasai mate ruin, maske nune’e polisia seidauk to’o iha fatin hodi hasai mate ruin iha fatin refere. 

Tuir trabalador hirak ne’e katak, ruin ne’e deskonfia iha tinan atus kotuk ba tanba ema nia ruin tohik hotu ona. Rezidensia ne’ebe mak agora Prezidenti Parlamentu nasional, Vicente Guterres hodi hela ne’e obra tempu Portugues nian ne’ebe mak haleu ho parede antigu maibe prezidenti PN halo reabilitasaun ba uma no moru tanba ne’e konsege hetan duni ema nia rain. 

,