“Relatoriu Delloite FRETILIN Hetan Husi ‘Jalan Tikus”

.

Mariano Assunami

Jornal Nacional Diario - Segunda, 03 Dezembru 2012 

Bloku Koligasaun Parlamentar (BKP) ne’ebe kompostu husi Partidu CNRT, PD ho Frente-Mudanca seidauk simu relatoriu delloitte ne’ebe indika Ministeriu Agrikultura e Pesca (MAP) halo iregularidade barak no mal jestaun ba projeitu Governu. 

Maske nune’e, Bancada FRETILIN firme iha pozisaun katak, sira hetan tiha ona relatoriu Delloitte ne’e husi ema ne’ebe sira konfia (jalan tikus). Tuir deputada Bancada CNRT, Carmelita Caetano Moniz, hateten katak, agora tama ona iha tinan 2012 entaun iha tinan 2013 Governu sei haruka ezekusaun orsamentu jeral Estadu 2012 nian nebe auditada husi delloitte ba iha tribunal rekursu (TR) no ida mai iha parlamentu nasional. 

Carmelita esplika, haruka ba TR ne’e atu hateten katak, TR sei halo avaliasaun ba ezekusaun Orsamentu jeral Estadu 2012 nian hodi hare ezekusaun ne’e lao diak ka lae. Nune’e, kuandu iha regularidade ruma husi relatoriu ne’e, TR sei halo avaliasaun depois TR sei haruka nia relatoriu pareser ba PN halo fali debate. 

“Ema ne’ebe servisu iha delloitte ne’e mesak ema professional, empreza delloitte ne’e la’os Governu ida agora mak foin kontratu nian, maibe desde husi governu ida FRETILIN kontratu tha ona ho sira, ne’e empreza internasional, sira taransparante laiha intensaun politiku sira haree buat ne’ebe los,” informa Carmelita ba JNDiario iha PN foin lalais. 

Antes ne’e, liu husi Plenaria Parlamentu Nasional, Bancada FRETILIN halo deklarasaun Politika, relasiona ho relatoriu delloitte ne’ebe dehan, husu ba KAK atu investiga klean liu tan iregularidade ne’ebe mosu iha MAP, ne’ebe fo sai iha relatoriu Delloitte.

.