“Paixon Hakanek Ema Ida”

.

Jornal Timor Post - Segunda, 03 Dezembru 2012 

Iha Domingu (02/12) maizumenus tuku 3:25 lokraik, iha kakaulidun Biro Pite, labarik ida ho idade tinan 4 kanek tanba paixon. 

Chiquito nu’udar aman husi vitima ba Timor Post hateten, nia ona ba halimar hamutuk ho ninia kolega sira iha bairo laran besik sira nia uma, bainhira sira halimar hamutuk, labarik ida ho inisial C sunu paixn depois hatama ba iha ninian oan nia kalsa laran, la kleur paixon ne’e reventa no rejulta nia oan nia kalsa nakles no konsege hakane nia oan nia kelen. 

Depois de akontesementu ne’e, Chiquito direitamente halo aprosimasaun ho familia labarik ne’ebe hakanek ninia oan par abele koopera hamutuk kntrola oan sira atu nune’e iha futuru labele mosu tan akontesementu ne’e. 

 Nune’e, nia husu ba autoridade kompotente hanesan Polisia atu hapara paixon ne’ebe fa’an iha loja no kontrola paixon ne’ebe kontinua espailha iha Dili laran. 

Tuir nia, diak liu tan mak governu fo fiar ba Polisia atu bele pasa revista no fo avizu ba publiku hodi labele sunu paixon iha Dili laran, tanba bele afeita ba ema nia vida, liuliu ba bebe ne’ebe sei nurak, tamba bainhira taruru bele halo kosokoan sira hafodak. 

.