Deputada CNRT Carmelita Moniz; “Ema Hotu Iha Diretu Bele Halo Filme Porno”

.

Jornal Timor Post - Sabadu, 01 Dezembru 2012 

Deputada husi Bancada CNRT atual Prezidenti Komisaun A Assuntu Konstitusionais, Justisa, Poder Lokal no Anti Korupsaun, Carmelita Caetano Moniz hateten, ema hotu iha direitu atu halo filme porno maibe labele espalla. 

Carmelita esplika, feto ida ho mane ida wainhira halo filme porno ba konsume privadu ne’e laiha problema, maibe wainhira autor ka ema seluk ne’ebe espalla filme ne’e konsidera krimi no tenki prosesa tuir lei. 

Tanba ne’e, rerezetante povu ne’e husu ba publiku, liu-liu autor halo filme porno atu labele publika ka espalla video ne’ebe produs ona hodi influensia fali moral seluk, liu-liu foin sa’e sira. “Hau apela ba publiku, karik balun iha intensaun produs video porno ruma favor rai didiak, tanba ita nia ran laos rai ida dezenvolvidu,” Carmelita ba Timor Post, Sesta (30/11), iha uma fukun Parlamentu, relsiona ho imazen no video porno husi estudante no Timor-oan sira balun ne’ebe espailla barak iha publiku liu husi sistema elektronika. 

Carmelita hatutan, iha koigu penal, artigu ida koalia kona ba pornografia, pornografia katak, ema rua (feto ho mane), wainhira feto ho mane ida halo asaun pornografia ho intensaun esplora maka konsidera pornografia no tau iha kodigu penal krime. 

Maibe, ema nain rua (feto ho mane) ne’ebe halo relasaun no sira filma ba konsumu privadu, depois make ma seluk foti hodi espalla ba publiku, liu husi sistema elektronika, entaun ida halo espalla ne’e mak krime, laos sira nain rua ne’ebe produs video ne’e, se karik sira nain rua duni maka espalla entaun sira maka komete krime. 

Atu evita atetudi ema ne’ebe produz video pornografia no balun publika sai ba publiku, tuir nia, ida ne’e presiza sosializasaun husi entidade hotu ne’ebe liga kodigu penal ne’ebe aplika ona, no presiza mos sosializasaun importante husi familia, sosiedade, komunidade, eskola ne’ebe hahu husi eskola primaria to’o Universidade, nune’e ema hotu bele kompriende.

.