Rezidensia MF Sei Kria Polemika Iha Rai Laran

.

Suara Timor Lorosae - Segunda, 19 Novembru 2012 

DILI- Reprejentante povu iha uma fukun (PN), deputada bankada CNRT Brigida Correia afirma, to’o agora povu sei moris iha kiak no mukit nia laran, tanba ne’e ho rezidensia Ministra Finansas (MF) sei kria polemika iha rai laran. 

Deputada Brigida fo sai kestaun ne’e, relasiona ho rezidensia ba Ministra Finansas, nebe tuir planu sei hari'i ho andar tolu no sei uja lift. 

Tuir nia katak povu barak sei moris iha kiak no mukit nia laran. “ Ida ne’e problema bo’ot nebe’maka povu moris ho kondisoens nune’e, maibe ita ba halo uma hanesan MF ninia, tanba MF ne’e laos Permanenti, ida ne’e sei kria polemika iha ita nia rai laran, liu-liu ita nia povu nebe’e maka sei moris ho kiak no mukit nia laran, maibe ita goja povu nia leten, ida ne’e maka hau pesoal hau qestiona,” hateten Deputada Brigida ba STL iha uma fukun PN, Segunda (19 /11). 

Katak Deputada Brigida, laiha diferente entre Ministra Finansas ho orgaun soberania seluk, tanba ne’e husu ba governu atu hare didiak problema ne’e, povu iha rai ida sei infrenta problema barak. Jasinta Sequeria

Nota do blogue: BRAVO SENHORA DEPUTADA BRÍGIDA, BRAVO!

.