Projeto be’e mos Suku Mehara laiha kualidade

.

Radio Liberdade - Segunda, 19 Novembru 2012 - Autor Acasio Pinto

Radio, online – Projeto be’e mos iha Suku Mndehara Sub-distritu Tutuala distritu Lautem la iha kualidade tamba kanu kotu fila fali. Diretur Luta Hamutuk, Mericio Akara Informa liu husi konferensia da emprensa iha nia knar fatin, Segunda (19/11).

Mericio hatutan, iha Suku Mehara sub-distritu Tutuala Distrutu Lautem Be’e mos nebe kompania dade hodi Fornese ba komunidade ne’e projetu foun maibe kanu be ne’e kotu fila fali ne’e tamba sa?

“Ami nia observasaun no monitoriamentu hatudu katak kualidade projetu mak sai problema nia hun, tamba la iha sub previzaun diak husi kompania, kompania ba dade deit maibe la tuir standar ne’ebe diak,”Mericio lamenta.

 “Orsamentu dada be’e mos ne’e ho montante Seseta tres pontu novi mil dolar amerika (U$ 63,9 ) implementa husi kompania Tapirae Unipesoal LDA" .

Tuir Mericio katak kanu kotu ne’e la o’os komunidade mak halo kotu maibe kompania mak la iha kulidade atu dada be mos, tamba iha sucu mehara ne’e rai tetuk maibe kanu ne’e keluk tun keluk sae tamba ne’e kanu sai tohar, ne’e laos povo mak sala maibe ne’e fai lansu husi komapnia no guverno laiha monitoriamentu ba projeto sira.

 “Tuir komunidade katak husu ona ba kompania atu ba hadia fila fali maibe to’o agora sedauk hadia ne’e tamba saida"?

Iha mos konstrusaun valeta foun, iha suko refere mos kompania halo valeta iha ailaran maibe komunidade sira hela ba ne’e valeta la iha ne’e tamba saida ?

 Projetu nain mak sefope, implemeta projetu ne’e mak koampania ZELATA UNIP. LDA ho montante orsamentu $ 92,537,39 Mericio mos infoma liu tan kata iha distritu ligusa subdistritu Bajartete komunidade mos infretan hela estrada no eletrisidade ,estrada nasional mos atu kotu dadaun ona no eletrisidade nia airin tama ona ba komunidade iha subdistritu Bazartete rasik maibe komunidade seidauk hetan ligasaun eletrisidade tamba saida?

Iha mos distrutu Aileu, subdistritu remesio mos estrda kuaze at hotu maibe ne’e mos guverno la tau matan.

“Ami husu ba ministeri imfretrutura atu tun direita hodi hare ho matan no husu ba parlamentu nasional atu tun ba baje hodi halo fiskalijasaun ba projetu sira ne’e Tinan Tinan Governoa aloka osan barak ba iha area infrestrutura maibe kuaje teritorio Timor laran probelama infresturutra sei sai kestau bo’ot ba Povo tomak

.