PN Kongratula Labarik Timor-oan

.

Jornal Independente - Agapito dos Santos - 21.11.2012

DILI:Parlamentu Nasionál kongratula labarik Timor-oan tomak ne’ebé selebra loron mundial labarik ne’ebé monu iha loron 20 fulan-Novembru tinan ida nee’e.

Vise Prezidente Parlamentu Nasionál Aderito Hugo dehan, konstituisaun RDTL no konvensaun direitu labarik fó konsiderasaun ás tebes hodi proteze labarik sira nia direitu labarik iha futuru.

“La’os de’it konstituisaun no ratifikasaun konvensaun hodi proteze labarik sira maibé, ita mós kria ona lei ne’eb’e liga ba reseita estadu nian atu poupa osan barak liu ba futuru labarik sira nian ba edukasaun, ekonomia no investe ba familia sira no seluktan,”dehan Hugo.

Maski nasaun ida ne’e foin independénsia tinan 10 maibé estadu no governu fó atensaun ás tebes ba direitu labarik sira nian maski seidauk masimu.

Entretantu, tuir observasaun diario ne’e, labarik barak mak sei abandona eskola, seidauk hetan asésu ba saude, labarik barak mak sei iha luron, husu osan iha dalan ninin, fasé kareta no halo negosiu iha dalan ninin hodi sustenta familia uma laran.

Tuir rejultadu monitorizasaun husi Organizasaun Naun-Govermental (FTM), katak labarik barak mak seidauk hetan protesaun, labarik sai vitima ba violasaun sexual, no labarik balun iha prizaun laran la hetan protesaun no kazu sira seluk hasoru labarik la hetan atensaun husi estadu.

,