PN Fo Parabens Ba Feto TL “GMPTL Hirus Governu”

.

Jornal Nacional Diario - Tersa-feira, 06 Novembru 2012 

Parlamentu Nacional, segunda (05/11), fo parabens ba feto Timor Leste ne’ebe iha loron sabadu (03/11) liu ba selebra loron feto mundial nian. 

Prezidenti Parlamentu Nacional Vicente Guterres hateten, loron feto mundial ne’e hanesan loron ida atu fanun hikas fali feto sira hodi haka’as an la’o ba oin iha kualker sektores ne’ebe existe iha vida humanu nian. 

 “Hau hakarak hato’o hau nia parabens ba feto TL tomak, tanba feto mos durante tinan 24 nia laran hamutuk ho ami mane sira hodi luta ba nasaun ida ne’e,” afirma Presidenti PN ne’e iha plenaria segunda (05/11). Iha parte seluk, Grupo Mulheres Parlamentar Timor Leste (GMPTL) hirus Governu tanba nunka iha hanoin atu komemora loron importante ne’e. 

 “Hau senti preokupa maka’as tanba iha loron importante ida ne’e Governu laiha hanoin atu komemora, maibe iha tinan barak nia laran feto Timor mos luta hotu ba rai ida ne’e,” haktuir Prezidenti GMPTL, deputada Josefa Pereira husi Bancada FRETILIN ba plenaria. 

Hatan ba kestaun ne’e, Prezidenti Parlamentu Nasional, Vicente Guterres hateten katak, kona ba tinan ida ne’e la selebra loron feto Mundial iha TL, maibe hein katak iha tinan seluk bele halo komemorasaun ida ne’ebe diak liu.

.