Jornal Independente - Segunda-feira, 05 Novembru 2012
Reprezetante espesial Sekretariu Jeral Organizasaun Nasoens Unidas
(ONU) ba Timor Leste, Finn Rieske Nielsen fo hanoin ba Polisia
Nasional Timor Leste atu respeita valor direitus fundamental ema
ida-idak nian wainhira atua situasaun konflitu iha rai laran.
Finn Rieske dehan, maske misaun United Nation Mission Integration in
Timor (UNMIT) remata ona iha fulan dezenbru maibe, komponente ONU nian
sei tau matan nafatin ba valor direitus humanus no demokrasia iha
Timor Leste.
“Hau husu ba PNTL atu respeita direitu fundamental ema ida-idak nian
no promove valor demokrasia iha Timor Leste hodi sai buras no metin
liu tan,” hateten Finn Rieske Nielsen iha palacio do governu semana
kotuk.
Nia mos rekoinese, durante iha nia misaun seidauk iha reklamasaun ba
problema violensia diretus humanus ne’ebe involve pessoal PNTL sira,
nia fiar membru PNTL sei grantia lei no orden ho diak iha Timor Leste.
UNMIT mos sertifika instituisaun Polisia Nasional Timor Leste tanba
hetan progresu boot kona ba assume responsablidade seguransa iha rai
laran iha Marsu 2011.
Desde PNTL assume fali nia responsablidade ba Polisiamentu iha Marsu
2012 rezulta situasaun hakmatek no estavel tanba, konsege diminui taxa
kriminalidade iha rai laran.
.
Sem comentários:
Enviar um comentário
Nota: só um membro deste blogue pode publicar um comentário.