La Simu Subsidiu Fulan Tolu: “Veteranus Kesar Ba PM Xanana Gusmao”

.

Jornal Nacional Diario - Tersa-feira, 06 Novembru 2012 

Veteranus lobuk bo’ot ida husi Distritu 13, iha Segunda (5/11) kesar ba Primeiru Ministru (PM) Kay Rala Xanana Gusmao, tanba fulan tolu nia laranona mak veteranus sira refere la simu sira ninia subsidiu iha Banco Nacional Ultramarino. 

Veteranus sira hasoru PM Xanana ne’e, hahu konsentra hamutuk iha portaun bo’ot Palacio Governu husi parte Oeste ninian ho razaun katak, sira atu hasoru diretamente ho PM Xanana Gusmao hodi esplika klaru liu tan, tanba sa mak veteranu sira la simu sira ninia diretu durante fulan tolu nia laran. 

Husi veteranus lubuk bo’ot ne’e la konsege hasoru hotu PM xanana maibe iha veteranu nain 6 deit maka reprejenta tama ba hasoru PM Xanana atu bele koalia sira nia problema. 

Ba Jornalista sira reprejetante veteranus, Manuel Carvalho Mateus husi Distritu Aileu informa katak, objetivu prinsipal hasoru PM Xanana ne’e, tanba veteranus barak mak la simu sira nia ho diak. 

Entertantu, Jornalista tenta konfirma ho veteranus nain nen ne’ebe mak tama hasoru PM Xanana Gusmao, maibe veteranu sira ne’e la kohi fo komentariu. 

Nune’e, to’o notisia ne’e hatu’un seidauk hetan konfirmasaun ho PM xanana kona-ba solusaun ne’ebe mak husi governu hodi hatun ba veteranus ne’ebe mak hato’o sira nia preokupasaun.

.