Komemorasaun Tinan 100 Don Boaventura; “Bancada FRETILIN Hala’o Duasaun Ran Hodi Ajuda Povu Kbiit Laek Sira”

.

Notisia Husi TVTL - Segunda-Kalan, 26 Novembru 2012

Deputadu Bancada FRETILIN hala’o duasaun ran hanesan parte ida atu komemora loron proklamasaun independensia no tinan 100 revolta Don Boaventura.

Aktividade ne’e halao tamba iha koperasaun entre Hospital Nasional, liu husi unidade banku de Sania. Deputadu FRETILIN Francisco Branco hateten, to’o oras ne’e komunidade seidauk sente benefisiu ba ukun rasik an, tamba ne’e, ho apoiu solidaridade ne’e bele benefisia povu kbiit laek.

 “Iha momentu neebe ita nia sosiedade la senti solidari ba malu, enatun bankada FRETILIN foti inisiativa hodi fo hanoin ba Timor oan hotu, liu husi duasaun ran, bainhira ita selebra tinan 100 Revolusaun Manufahi ne’ebe lidera husi ita nia liu rai boor Don Boaventura, nuudar aman ba nasionalista povu Timor nian, iha ukun aan ne’e hariku deit ba ema oituan deit, ema barak sei moris kiak, mukit rabat rai nafatin,” dehan Deputadu Bancada FRETILIN.

Nune’e, Xefe Unidade da Sanio Hospital Nasional Guido valadares hateten katak, hafoin halo koleta ran sei halo analize atu nune’e bele ajuda pasiente sira.

,