Governu Abandona Tractor: “Bancada FRETILIN Kestiaona”

.

Notisia Husi TVTL - Segunda-Kalan, 05 Novembru 2012 

Membru Deputadu Parlamentu Nasional husi Bancada FRETILIN afirma problema ahi kontinua mate lakan, la iha konbustivel ba programa fila rai, menus bee moos no seluk tan. 

 Deputadu husi Bancada FRETILIN aprejenta asuntus ne’e husi fiskalizasaun no nota mos katak, konstrusaun Mini Merkadu no sentru ba manutensaun ba hand tractor boot iha Sesal Distritu Baucau oras ne’e dadaun abandonadu. 

Liu husi sesaun plenaria segunda-feira (05/11) iha uma fukun Parlamentu Nasional, Deputadu husi Bancada FRETILIN, Manuel Castro kestiaona ba sentru manutensaun hand traktor boot ne’ebe abandonadu no merkadu ne’ebe hari iha tinan 2011 to’o 2012 ho montante orsamentu 60 mill abandonadu. 

 “Sentru manutensaun boot ida iha Sesal ba hand tractor ne’ebe mak governu hari’i tiha uma 3 ne’eba, to’o ohin loron la uza e pior liu tan uma sira ne’e sai estragus hotu, iha mos merkadu ida iha sesal ne’ebe hari’i iha 2010 no 2011 ho rsamentu U$ 60.000 to’o agora la uza, se karik liu ona prazu diak liu KAK tenki funsiona ho diak hodi investiga, hau hare keta intervensaun politika mak barak liu karik, tamba boot sira mak halo korupsaun la rejolve to’o ohin loron, maibe kuandu povu ki’ik mak halo sala ruma ohin ne’e investiga kedas, ne’e hanesan intervensaun to’o agora,” dehan Deputadu FRETILIN. 

Iha fatin hanesan mos Izilda Pereira katak, kestiaona mos falta bee moos no komunidade tenki i’it massa hodi buka bee moos ba nesesidade loro-loron. 

 Iha plenaria ne’e mos deputadu balun kontinua kestiaona katak, laiha progama fila rai, halo rai balun abandonadu no problema sosiais sira seluk ne’ebe relevante ho moris kondisaun povu ki’ik iha baze.

,