2013 Komisaun A Sei Tau Ajenda Prioridade Ba Lei Anti Korrupsaun

.

Suara Timor Lorosae - Segunda, 19 Novembru 2012 

DILI- Maski tinan ida ne’e la konsege atu hadia lei nebe’e maka to’o agora sei pendenti, maibe komisaun A iha Parlamentu Nasional (PN) mos iha planu, tinan oin 2013 sei tau ajenda prioridade ba lei Anti Korrupsaun. 

Kestaun ne’e hato’o husi membru Komisaun A PN, deputadu Arão Noe ba STL iha Uma Fukun PN, Segunda (19/11), katak komisaun nia hare maske hari ona KAK maibe to’o agora seidauk iha lei ida, maske iha prosesu kodiku penal. 

“Mandatu lolos ba KAK ne’e maka seidauk klaru, tanba ne’e maka hau hanoin komisaun iha Programa 2013 mai atu tau ajenda prioridade maka lei konaba anti korrupsaun, depois konaba lei deklarasaun riku soin, hanesan ba membru governu, PN, PR, hanoin mos ba to’o iha Direitor sira hotu,” hateten Deputadu Arão. 

Deputadu bankada FRETILIN Estanislao da Silva hateten, Korupsaun iha rai laran ne’e hare alegasoens barak teb-tebes, no iha ema balun oras ne’e iha investigasaun nia okos, balun prokurador jeral haruka ona ba Tribunal, e balun hetan ona julgamentu. Jasinta Sequeria

.