“SEOP no STATAL Rekonese PDD Barak Laiha Kualidade”

.

Jornal Independente - Segunda, 01 Outubru 2012 

Tuir monitorizasaun Sekretariu Estadu Obras Publika ba projeitu Dezenvolvimentu Desentralizasaun (PDD I) no PDD II ne’ebe gasta osanU$34 Milooens dolar Amerikanu barak laiha kualidade. 

 “Ema barak kestiaona kona ba kualidade (Projetu PDD I no PDD II) ami husi obras publika mos hateten, barak mak laiha kualidade,” dehan Sekretariu Estadu Obras Publiku (SEOP) Luis Rodrigues iha PN foin lalais. 

Maske rekoinese katak, projeitu barak laiha kualidade, SEOP lakohi temi numeru projeitu ne’ebe laiha kualidade, maibe sei esforsu atu halo prakualifikasaun ba kompania sira ne’ebe atu kaer projeitu governu. Entertantu, Ministru STATAL, Jorge Teme mos rekoinese, laiha duni kualidade hanesan povu iha baze kestiaona. 

 “Parlamentu ho ita nia povu iha baze mos kestiaona kona ba kualidade projeitu, se mak iha knar atu kontrola kualidade, mak AND,” dehan Jorge Teme. STATAL nia responsablidade mak halo pagamentu bainhira hetan autorizasaun husi AND. 

 “Hanesan ita hotu hatene, ami servisu hamutuk ho AND i pagamentu so bele halo wainhira AND sertifika katak projetu ne’e bele halo pagamentu,” dehan teme. 

Nune’e mos, Jorge Teme rekoinese, prosesu pagamentu ba projetu PDD I no PDD II tarde tanba, governu foun foin halao nia naar iha fulna ida kotuk. 

.