Promete Governu Bloku Koligasaun, Ponte Comoro II Sei Inagura Iha Fulan Maiu; “Projeitu Konstrusaun La’o Nei-neik Liu”

.

Notisia Husi TVTL - Kuarta-Kalan, 17 Outubru 2012 

Projeitu konstrusaun Ponte Comoro II oras ne’e la’o neineik tamba materiais konstrusaun sei paradu hela iha Portu, Dili. Projeitu konstrusaun Ponte Comoro II hahu iha loron 9 fulan Setembru tinan ida ne’e no tuir planu sei inagura iha loron 20 fulan maiu tinan oin (2013). 

Maske data fiksu determina ona maibe oras ne’e dadaun, projeitu refere la’o neineik liu tamba material konstrusaun durante fulan ida ona ro seidauk atraka iha Porto Dili.

 Maske nune’e, jerente konstrusaun kompania husi Indonesia ne’ebe kaer obra ne’ebe servisu hamutuk ho konsorsiu nasional Timorense hateten, semana ne’e bele hahu ona ke’e fundasaun ponte atu nune’e to’o tempu udan Ponte rin bele sai ona liu mota.

 Observasaun TVTL hatudu katak, besi ponte riin no sasan balun tau ona iha Comoro, Osamentu ba konstrusaun Ponte ne’e ho montante dollar Amerikanu miloens walu atus hitu. 

.