Jornal Nacional Diario - Kinta-feira, 25 Outubru 2012
Prezidenti Republika Taur Matan Ruak, preokupa ho professor balun nebe
mete joga karta no futu manu, tanba ne’e xefi estadu apela ba
professors hotu iha Timor laran tomak tenki hatudu sai ezemplu diak ba
estudantes.
Xefi Estadu hateten lia hirak ne’e iha nia diskursu hafoin fo posse ba
Embaixadora Boavontade da Edukasaun iha Timor Leste (TL) Kristy Swoard
Gusmao iha Palasiu Prezidensial Nicolau Lobatu Aitarak laran, Dili,
Kuarta (24/10).
Xefi Estadu Taur Matan Ruak hateten, involvimentu profesores balun iha
joga karta no futu manu, ne’e labele akontese tan.
“Hau haree professor sira joga karta, ba futu manu enktivel ami nia
tempu la iha ida ne’e, i ita labele husik ida ne’e akontese, sira
tenki iha nivel ida adekuadu para que fo ajuda ita nia oan sira,”
dehan xefe Estadu Taur Matan Ruak.
Ba kestaun ne’e, Ministru Edukasaun (ME) Bendito Freitas hateten
katak, ME sei hola medidas hasoru professor sira ne’ebe mak involve
iha jogus hirak ne’e, maibe nia hatutan presiza bazeia ba evidensia.
.
Sem comentários:
Enviar um comentário
Nota: só um membro deste blogue pode publicar um comentário.