Jornal Independente - Kinta-feira, 18 Outubru 2012
Instituisaun Polisia Nasional Timor Leste (PNTL) fo treinamentu ba
investigador Komisaun Anti Korupsaun (KAK), kuarta horsehik iha
Rairobo, Sub Distritu Balibo, Distritu Bobonaro.
Investigador KAK hamutuk 14 mak hetan formasaun baziku kona ba
intervensaun no investigasaun kriminal durante loron 3.
Formasaun ne’e hala’o, Komandante Jeral PNTL, Komisariu Longuinhos
Monteiro eslika, bazeia ba koperasaun entre instituisaun rua ne’e, KAK
propoin atu PNTL bele fo konesementu baziku ba teknikas investigasaun.
“Tanba ne’e mak ohin sira hamutuk nain 14 simu treinu baziku iha
intervensaun Polisia katak, sira ne’e halo atuasaun atu hapara ema
ekipa seluk mak tama iha ekipa investigasaun kriminal, pakote ida ne’e
mak ita sei halao durante loron 3 nia laran,” hateten Komisariu
Longuinhos ba jornalista iha Rairobo, Sub Distritu Balibo Distritu
Bobonaro.
Teknikamente longuinhos hateten, primeira treinamentu konsentra liu ba
area investigasaun nian, abordazen iha uma, abordazen ba kareta no
motor, inklui oinsa rekoila informasaun ka objetivu evidensia nian, no
mos buat sensitivus barak ne’ebe funsionariu hirak ne’e presiza fo
atensaun maka’as.
.
Sem comentários:
Enviar um comentário
Nota: só um membro deste blogue pode publicar um comentário.