Jornal Nacional Diario - Kinta-feira, 25 Outubru 2012
Klube La Liha Espanha FC. Malaga offisialmente sei kontratu Cornelis
Nahak Portela Alias Aquilis, jogador husi Centru Treinamentu Futebol
Juvenil (CTFJ) ho Valor U$ 48.000 Euro durante tinan 6.
Osan 48.000 Euro ne’e ho kompozisaun fo ba Aquilis ho valor 3.000 Euro
kada tinan no 5.000 Euro ba Aquilis nia inan-aman durante tinan-tinan.
Ba Jornalista sira, Aquilis senti kontenti ho desizaun Malaga ne’ebe
fo oportunidade ba nia atu eskola tinan 6 iha Klubu Numeru 3 iha
klasmen la Liga dadauk ne’e, depois Barcelona, Atletik Madrid, Malaga
no tuir kedas Real Madrid.
“Hau kontenti tebe-tebes tanba hetan oportunidade ba treinu iha
Malaga, hau sei esforsu an atu hetan material no mos treinu iha ne’eba
para depois fila mai bele hatudu no aplika fali saida mak hau hetan
ne’e hodi hatudu fali iha Timor Leste,” dehan Aquilis.
Aqulis hanesan oan mane husi Adolfo Portela, husi Lospalos no Josefa
Setilda Luru Pria Husi Atambua, Indoenzia.
Aquilis iha maun alin nain 5, feto rua mane tolu, Aquilis eskola iha
eskola pre-Sekundaria Sao Miguel Klase 3, hela iha Maskarenhas.
Aquilis durante ne’e sai jogador diak ou top Score iha jogu taxa MBC
Koreia Sul ho golu 7.
.
Sem comentários:
Enviar um comentário
Nota: só um membro deste blogue pode publicar um comentário.