Jornal Timor Post - Sabadu, 29 Outubru 2012
Eis komandante FALINTIL, Lere Anan Timur hateten, atu lori ruin
Saudozo Nino Conis Santana husi Mertutu-Ermera, estadu maka tenki
responsabliza hafoin familia halo tradisaun tuir lisan Timor ninian.
“Prosesu ida ne’e estadu ninian, estadu mak tenki fo solusaun, ita fo
ita nia hanoin malun, maibe estadu mak tenki responsabliza,” katak
Lere Anan Timor hafoin hasoru malu ho familia Saudozo Nino Conis
Santana iha Kuartel Jeral F-FDTL foin lalais ne’e.
Tuir atual maijor Jeneral F-FDTL, nuudar kompaneiru luta nia, iha
pozisaun ne’ebe la hanesan ho Prezidenti Republika Taur Matan Ruak
hateten katak, familia rua bele halo lina kordenasaun maibe Estadu mak
tenki responsabliza hodi haloot Saudozo Konis nia restu mortais iha
fatin istoriku.
“Konsensus laos familia rua mak consensus, maibe consensus mai husi
estadu ho familia, organizasaun klandestina mak tenki iha consensus,
tanba iha ne’e, hotu-hotu orgulu hakarak hakoin saudozo Conis iha
ninia rain,” katak Lere.
Komandante F-FDTL ne’e dehan tan, Saudozo Conis mate iha Ermera la’os
tanba ninia privadu, maibe mate tanba nasaun Timor Leste ne’e rasik,
ne’e tenki hetan responsablidade husi estadu rasik.
Lere mos haktuir, objetivu husi hasoru malu ne’e tanba familia Conis
husi Tutuala konsidera hanesan kompaineiru luta.
Aliende ne’e, familia mos husu ba esi komandante FALINTIL Lere atu
hare restu mortais Conis ne’ebe sei iha Mertutu-Ermera.
.
Sem comentários:
Enviar um comentário
Nota: só um membro deste blogue pode publicar um comentário.