Jornal Independente - Segunda, 01 Outubru 2012
Funsionariu UNMIT la signifika tenke sai funsionariu publiku bainhira
mandatu UNMIT remata iha fulan Dezembru tinan ida ne’e.
Prezidenti Komisaun Funsaun Publiku (KFP) Liborio Pereira deklara
asuntu ne’e relasiona ho preokupasaun publiku liliu Funsionariu UNMIT
nian ne’ebe sei lakon nia servisu bainhira mandatu UNMIT remata.
KFP la garante katak, funsionariu UNMIT tenke sai hotu funsionariu publiku.
“Sira iha UNMIT la dehan ba sira katak, automatikamente sira mai
servisu iha funsaun publiku,” deklara nia iha Parlamentu Nasional.
Liborio hatutan, bainhira funsionariu UNMIT sira hakarak tama
funsionariu tenki la’o tuir regra ne’ebe KFP estabelese.
Ne’e duni, Liborio sujere atu bainhira UNMIT hakotu nia mandatu,
funsionariu ne’ebe durante ne’e servisu iha UNMIT uza oportunidade
hanesan sidadaun sira seluk hodi konkore vaga ne’ebe KFP fo sai.
Oras ne’e dadaun Timor oan besik rihun ida mak sai funsionariu UNMIT
inklui ajensia balun iha Timor Leste.
.
Sem comentários:
Enviar um comentário
Nota: só um membro deste blogue pode publicar um comentário.