“Kareta Ho Motor Privadu Barak Ense Mina Uza Kupon Estadu”

.

Jornal Nacional Diario - Segunda, 22 Outubru 2012 

Tinan-tinan Parlamentu nasional aprova osan miloens ba milones ba governu, liuliu bens servisu nian ba item kombustivel motor no kareta estadu. 

Transporte Estadu nian ne’ebe servidor estadu sira uza durante ne’e ba ense mina uza kupon estadu iha estasaun mina nebe governu kontrata hodi fornese mina ba kareta no motor estadu nian ne’e, maibe realdiade dala barak motor no kareta estadu mak ense mina uza kupon estadu nian. 

Esperanca Timor Oan (ETO) nudar kompania Stasoens kombustivel ne’ebe hetan fiar hodi halo fornesemetnu konbustivel ba nesesidade kareta ho motor estadu nian identifika katak, durante ne’e mosu iregularidade iha uzus kupon kobustivel nian la’os tanba kupon, maibe servidor estadu sira iha Ministeriu no departementu estadu nian maka la optimaliza ho diak ba interese operasional estadu nian. Manajer ETO, Plenio Lewis esklarese katak, desde ETO hetan fiar husi Governu halo fornesementu konbuvstivel ba kareta no motor estadu nian, hatudu servidor estadu barak mak utilisa sala kupon ne’e ba fali interese privadu. 

“Durante ne’e ami hare motor ho kareta privadu barak mos mak ense mina uza kupn estadu, amid ala barak halo kanselamentu no la simu atu kareta no motor privadu sira ne’e, maibe, ami foin halo iha ne’e, iha servidor estadu balun telefone kedas ami dehan, sira nia kareta ne’e mesmu privadu maibe hala’o servisu ba estadu, ida ne’e mak dezafiu boot ba ami,” esklarese Plenio Lewis wainhira dada liha ho JNDiario iha Edifisiu ETO, Taibessi, dili, Sesta (19/10).

 Atu hadia situasaun ida ne’e, hodi la bele afeita ba orsamentu estadu, Lewis dehan, tenki muda mentalidade srvidor estadu sira nian, buat ne’ebe estadu nia estadu nian duni, labele estadu nia fo fali ba kolega ou privadu sira atu uza. 

Iha sotin seluk, antes ne’e Primeiru Ministru kay Rala Xanana Gusmao, promete ona katak, iha tempu besik sei muda istema kupon, tanba sistema kupon durante ne’e aumenta deit despezas ba governu. 

.