“Indoenzia Identifika Terorista Balun Tama Iha TL”

.

Jornal Independente - Segunda, 01 Outubru 2012 

 Komandante TNI Fronteira Batugade, Major Infanteri Hengki Yuda Setiawan, husi Yonif 321 hateten, iha grupu terorista husi nasaun Arabia no nasaun seluk tama iha Indoensia, balun konsege halai mai liu iha Nusa Tengara Timur (NTT) no balun deskonfia halai tama liu ba Timor Leste.

 Komandante hengky diretamente halao kontaktu ba komandante Unidade Polisia Fronteira (UPF) hodi matan moris no neon nain ba grupu terorista hirak ne’e, maibe, seidauk iha sinal katak, terorista hirak ne’e espailha iha komunidade nia leet, tantu iha NTT no TL. 

 “Hau preokupa kona ba ema hirak ne’e, maibe liu husi servisu hamutuk, ami bele halo metin liu tan iha servisu frotneira hodi kombate bua aat hotu,” dehan nia.

 Iha Moa-Ain, Batugade, Sabadu (29/9). Iha fatin hanesan, komandante UPF Superitendenti Agustinho Gomes hateten, servisu seluk ne’ebe UPF halo mak hasoru ema estranjeiru ilegalmente tama ba teritoriu Timor-Leste ne’ebe durante ne’e konsege identifika, ema sira ne’e, laos mai husi sidadaun Timor Leste no Republika Indoenzia de’it, maibe iha mos sidadaun China, Sudanes, Afaganistaun inklui Rusia. 

 Nia haktuir tan katak, UPF preokupa ema barak tama illegal ba Dili no okupa tiha fatin, ne’ebe iha tempu oin mai fo konsekuensia ba Timor oan rasik hodi terus nafatin, tanba laiha servisu no laiha ona hela fatin atu hela iha futuru mai. 

.