Halo Kobransa ba Veteranus; “Funsionariu DNAKLN Ba Hatan Tribunal”

.

Jornal Nacional Diario - Kuarta-feira, 17 Outubru 2012 

Funsionariu Dirasaun Nasional Antigo Kombatentis Libertasaun Nasional (DNAKLN) ho inisial LD, horseik, tuur ona iha Tribunal hodi responde ba nia atetude halo kobransa illegal ba benefisariu sira iha Distritu Aileu neebe simu pensaun ba veteranus. 

 Informasaun husi sasin sira katak, arguidu LD ne’e sempre halo kobransa illegal ba veteranus sira ne’ebe simu pensaun husi governu kada ema ida U$ 200.00. 

Miguel Mendonca nuudar testamunha fo sasin ba Tribunal katak, nia simu osan veteranus hamutuk, U$6500 husi Bancu Nacional Comercio Timor Leste (BNCTL) sukursal Distritu Aileu, fila mai uma liu tiha loron rua, arguidu komesa ba husu osan, ho nune’e, Miguel fo U$ 200, tanba hanoin mos nia kolen kona bat rata dokumentu sira ne’e. 

 Iha fatin hanesan Joaquim de Aaraujo nuudar mos testamunha ida informa katak, antes arguido trata dokumentus, arguido fo hatene ba nia katak, karik sira simu osan tenki hanoin nia, testamunha simu osan ne’e hamutuk, U$6.500, liu tiha loron rua arguido mos husu testamunha, maibe testamunha fo deit U$ 100 ba arguido, no arguido la simu osan refere, testamunha aumenta tan U$100, hamutuk U$ 200, nune’e mak arguidu foin simu. 

 Rozita Quintao nudar mos tstamunha deklara ba Tribunal katak, nia senti triste tanba nia simu deit osan veteranus U$ 2.300, mas sira seluk simu komletu U$ 6.500 no liu tiha loron rua arguidu ba husu osan, ho nune’e Rozita lolo U$ 50.00, maibe arguidu husu aumenta tan, nune’e aumenta tan U$ 50 hodi kompleta ba U$ 100.00. 

 Iha fatin hanesan, tertamunha, Armindo Gomes mos deklara liu tan katak, arguido mak tula testamunha mai simu osan iha BNU, to’o fila testamunha ba toba iha arguido nia uma to’o dadersan, arguido husu osan ba testamunha ne’e, testamunha konsege fo U$ 400 ba arguido, katak, arguido foti U$ 200 fo fila fali, U$ 200 ba vitima tamba testamunha nia matan hare la mos maibe to’o ikus arguido la fo fila osan, hodi husu tan vitima, fo tan U$ 30.00. 

 Kazu ida ne’e testamunha husu ba Tribunal atu dada tiha kaju ne’e, tamba arguido hanesan ema rejistensia, osan ne’ebe testamunha sira fo laos arguido mak obriga, maibe testamunha sira fo tamba arguido mak lakon tempu hodi trata sira nia dokumentus no ikus mai sir abele simu sira nia osan. 

Julgamentu ne’e, prejidi husi juis kolektivu kompostu husi Edite Palmira, Jose Maria de Araujo no Antonio Gomes, Jose Ximenes reprejenta husi Ministeriu Publiku, entertantu arguidu hetan asistensia legal husi defensoria publiku Olga Barreto. 

.