“Familia Mau-Hudo Lakohi Halo Teste DNA”

.

Jornal Timor Post - Tersa-feira, 16 Outubru 2012 

Familia Saudozo Mauhudo Rankadalak lakohi kopera ho forensic hodi halo teste DNA para identifika ruin ne’ebe deskonfia husi Saudozu Mauhudo. 

 “Iha semana kotuk hau orienta sira husi forensic ba hasoru familia saudozo ninian, sira to’o iha ne’eba situasaun muda derepenti, tanba iha inisiu sira konkorda atu fasilita ita hodi halo teste DNA, maibe iha kinta semana kotuk liu ba, wainhira ekipa forensic atu ba foti ran, parte familia tomak la konkorda no kopera hodi halo prosesu ne’e,” informa komandante servisu Investigasaun Kriminal (SIK), Superintendente Xefe, Calistro Gonzaga, iha Kuartel Jeral PNTL, Caicoli, Dili, Segunda (15/10). 

 Calistro Gonzaga hateten, ruin saudozo Mau-Hudo rai hela iha mortuario Hospital Nasional Guido valadares (HNGV), Dili no tuir planu teste DNA ne’e sei halo iha nasaun Indoenzia.

 “Hau haruka karta ona ba Governu, oinsa atu halo identifika ba ruin Mau-hudo ninian no iha nasaun rua ne’ebe mak ahu rekomenda hanesan Australia no Korea, maibe Governu indika ona Indoenzia, hau hanoin ne’e laiha problema, mas importante mak ita hetan rejultadu husi denetik DNA ne’e tenki verdade,” dehan Komandante SIK. 

Antes ne’e, familai saudozo Mau-Hudo Rankadalak konkorda tia ona atu ekipa forensic foti DNA husi familia nia ba halo identifika, ba restu mortais ne’ebe deskonfia husi Saudozu Mau-Hudo, ne’ebe ekipa forensic ke iha Sub Distritu Atabae, Distritu Bobonaro. 

.