Familia Heroi Nino Konis Santana Hasoru Vice PM; “Restu Mortais Sei Intrega Ba Governu Iha Fulan Dezembru”

.

Notisia Husi TVTL - Kinta-Kalan, 18 Outubru 2012 

Restus Mortais Heroi Nino Konis Santana sei intrega ba governu iha fulan Dezembro tinan ida ne’e, antes intrega ba governu sei halo mos serimonia ritual iha Tutuala, tuir lisan Timor nian. 

Kinta feira (18/10), familia saudozo Nino Konis Santana hasoru malu ho Vice Primeiru Ministru Fernando La sama de Araujo hodi koalia kona ba serimonia intrega restus mortais ne’ebe sei hala’o iha tinan ida ne’e. 

Nune’e, husi parte Governu, Vice PM La sama hateten katak, sei kolabora ho familia lider rejistensia ninian hamutuk ho Ministeriu no instituisaun kompotente atu organiza ho diak ba serimonia ne’e. 

Antes atu halo’ot iha Metinaru sei hala’o mos serimonia solene iha Parlamentu Nasional, Palasiu Prezidensial, Comite Central FRETILIN (CCF) hodi fo honra ba lider rejistensia ne’e. 

.