Eletrisidade Mate Lakan Estraga Sasan Elektronika Komunidade; “Parte EDTL Tau Todan Ba Kompania Veteranu”

.

Notisia Husi TVTL - Segunda-Kalan, 15 Outubru 2012 

Komnidade Aldeia Fatu-Francisco, Buburlau, Suku Kamea, Sub Distritu Kristu Rei, Distritu Dili, lamenta ho kompania Marxs no EDTL ne’ebe halo instalasaun ba projeitu eletrisidade ho voltazen boot ne’ebe implika ba iha sasan eletronika iha uma laran. 

Komunidade Aldeia Fatu-Francisco, Bubur Lau Suku Kamea la menta serviso kompania marxs hanesan kompania veteranu no EDTL tamba hahu iha sabadu foin lalais ne’e, halo projeitu instalasaun ba eletrisidade hodi estraga sira nia sasan eletronika hanesan, TV, Jelera, Komputador, Mobile inklui mota Bomba ne’ebe uza eletrisidade hodi fornese bee ba komunidade. 

Juliana Honai no Juvinal da Costa hateten, sasan eletronika neebe hetan estragus tamba impaktu husi eletrisidade lakan mate, ne’ebe fornese husi Trafo Becora ba kada uma kain ne’ebe liu ona voltazen normal. 

Entertantu, wainhira halo konfirmasaun ba EDTL Kaikoli, Dili, Diretur rede distribuisaun hateten katak, projeitu ne’e responsabliza husi kompania marxs nian, tamba ne’e la tama iha EDTL nia toma konta. 

 “Tuir informasaun tekniku mai ami nia tekniku sira katak, projeiru neebe tama iha projeitu veteranu nian, halo reabilitasaun, hau la hatene, dala ruma sira liga sala mak afeta ba komunidade sira, projeitu ne’e responsablidade kompania maxs nian, nia mak kaer husi Mota ulun to’o Hera, problema ne’e kompania ne’ebe tomak konta maka responsablidade,” afirma Diretur ne’e. 

Tuir komunidade sira, sasan elektronika barak mak estraga tamba volume eletrisidade sa’e to’o 380 voltazen ne’ebe fornese ba kada uma kain. Loloos tuir voltazen normal tenki ho volume 230 voltazen.

.