Eletrisidade Lakan-Mate: “La Sama Husu Januario Labele Dukur”

.

Jornal Nacional Diario - Tersa-feira, 16 Outubru 2012 

Vice Primeiru Ministru, Fernando La sama de Araujo hateten, eletrisidade ne’ebe lakan mate iha Kapital Dili, tanba Ministru ba asuntu eletrisidade, Januario Pereira maka ladun servisu ho efektivu. 

Tanba ne’e, nia parte sei bolu ministru kompotente atu bele esplika klareza kona ba razaun saida mak sai kauza ba eletrisidade ne’e sempre lakan mate nune’e. 

 Tuir La Sama, eletrisidade ne’e nuudar mega projekta hodi fo naroman ba povu tomak, maibe infelismente la tuir espetativa ne’ebe povu hakarak, nune’e, Minitru kmpotente labele nonok.

 “Dala ruma hau mos haree eletrisidade ne’e mate beibeik fali, hau sei bolu xefi Ministro Januario atu bele haree didiak problema tekniku ne’e to’o iha ne’ebe,” esplika Vice Primeiru Ministru La Sama ba Jornal Nacional Diario, Segunda (14/10) iha Palacio Governu hodi responde kona-ba eletrisidade ne’ebe mak ikus-ikus ne’e sempre lakan mate. 

 La Sama dehan, kona ba mina la iha problema, tamba Supply tama beibeik, maibe nia problema maka eletriku rin ne’ebe mak antigu parese sei iha hela manutensaun nia laran. 

“Hau hanoin sira sei hadia hela fiu ne’ebe mak antigu, mas la hatene sira hadia iha ne’ebe,” esplika Vice Primeiru Ministru La Sama. 

.